ارباز خان اور خوشبو میں طلاق ،افواہیں دم توڑ گئی

لاہور (خصوصی رپورٹ) لالی وڈ انڈسٹری کی معروف میاں بیوی فنکار جوڑی ارباز خان اور خوشبو خان کے درمیان سخت اختلافات اور طلاق تک ہونے کی افواہیں دم توڑ گئی ہیں اور دونوں نے اکٹھے مجالس میں آ کر یہ افواہیںختم کردیں۔ انہوں نے کہا کہ دنیا کو ان کے آپسی اختلافات کی کہاں سے خبریں مل جاتی ہیں حالانکہ وہ دونوں ہنسی خوشی زندگی گزار رہی ہیں، البتہ ارباز خان کا کہنا ہے کہ وہ پشتو فلموں کی عکسبندی کے سلسلے میں شمالی علاقہ جات میں ہیں اور لوگوں کو بلاوجہ جھوٹی خبریں بنانے کا موقع مل جاتا ہے۔ اداکارہ شین کی رہائش گاہ گارڈن ٹاﺅن میں ہونے والی مجلس میں دونوں نے اکٹھے شرکت کی اور اکٹھے ہی بیٹھ کر نیاز بھی کی اور وہاں موجود کئی شوبز شخصیات انہیں اکٹھا دیکھ کر حیران رہ گئیں۔ دونوں کا کہنا تھا کہ وہ ہنسی خوشی زندگی گزار رہے ہیں اور ان کے دو بیٹے ہیں جو سکول جاتے ہیں۔ لہٰذا کوئی بھی ان کے درمیان اختلافات کی خبروں کو سچ نہ مانے ۔ ارباز خان کا کہنا تھا کہ خوشبو خود جتنا کام شوبز میں کرنا چاہیں وہ کریں انہیں کوئی روک ٹوک نہیں ہے۔