یش چوپڑا کی 85 ویں سالگرہ گزشتہ روز منائی گئی

لاہور/ممبئی (شوبز ڈیسک) بالی وڈ ہدایتکار یش چوپڑا کی 85 ویں سالگرہ منائی گئی۔ بھارتی میڈیا کے مطابق یش چوپڑا 27 ستمبر 1932ءمیں لاہور میں پیدا ہوئے اور 21 اکتوبر 2012ءمیں جہان فانی سے کوچ کر گئے۔ انہوں نے بطور اسسٹنٹ ڈائریکٹر فلمی کیریئر کا آغاز کیا،انہوں نے 1959ءمیں پہلی فلم ”دھول کا پھول“ کی ہدایتکاری کی۔ انہوں نے 1971ءمیں یش راج فلمز کے نام سے اپنی پروڈکشن کمپنی بنائی اور اس بینر تلے پہلی فلم ”داغ “ 1973 ءمیں بنائی ،انہوں نے متعدد سپر ہٹ فلموں کی ہدایتکاری دی جن میں ”کبھی کبھی “ ، ”سلسلہ“ ، ” فاصلے “ ، ”چاندنی“ ، ”لمحے “ ، ”ڈر “ ، ”دل تو پاگل ہے “ ، ”ویر زارا “ ، ” جب تک ہے جان“ اور دیگر شامل ہیں جبکہ انہوں نے متعدد فلموں کی پیشکش بھی دی ۔جن میں”دوسرا آدمی “،”ہم تم “ ،ایک تھا ٹائیگر “ ،”دھوم 3 “ ، ”محبتیں “ ، ”بنٹی اور ببلی “ ،” آجا نچ لے “ اور دیگر متعدد فلمیں شامل ہیں۔انہیں فلم انڈسٹری میں بہترین خدمات پر متعدد ایوارڈز سے نوازا گیا۔