بھارتی اداکار سشانت سنگھ راجپوت کا قتل ہوا تھا، عینی شاہد

نئی دہلی: (ویب ڈیسک) بھارتی اداکار سشانت سنگھ راجپوت کو قتل کیا گیا تھا اور انہوں نے خود کشی نہیں کی تھی، یہ دعویٰ آنجہانی اداکار کی نعش کا پوسٹ مارٹم کرنے والے ایک عینی شاہد نے کیا ہے۔
سشانت سنگھ راجپوت کی نعش کا پوسٹ مارٹم کرنے والے عینی شاہد روپ کمار نے دعویٰ کیا ہے کہ آنجہانی اداکار نے خود کشی نہیں کی تھی بلکہ انہیں قتل کیا گیا تھا۔
اس حوالے سے روپ کمار کا کہنا ہے کہ جس دن سشانت سنگھ راجپوت کی موت ہوئی تھی، اس دن کووپر اسپتال میں پوسٹ مارٹم کے لیے پانچ نعشیں آئی تھیں جن میں سے ایک کسی وی آئی پی کی تھی۔
روپ کمار کے مطابق جب ہم پوسٹ مارٹم شروع کیا تو معلوم ہوا کہ وہ اداکار کی نعش تھی، جسم پر کئی نشانات تھے جن میں سے دو تین نشانات گردن پربھی تھے۔
میڈیا کے مطابق انہوں نے کہا کہ قواعد و ضوابط کے تحت پوسٹ مارٹم کو ریکارڈ کیا جانا چاہیے تھا، میں نے سشانت سنگھ کی نعش دیکھ کر اپنے سینئرز کو بتایا بھی تھا کہ مجھے لگتا ہے کہ یہ خودکشی کا کیس نہیں بلکہ قتل کا معاملہ ہے۔
روپ کمار کے مطابق میں نے اپنے سینئرز سے یہاں تک کہا کہ ہمیں قواعد و ضوابط کے تحت کام کرنا چاہیے لیکن انہوں نے مجھے ایسا کرنے سے روک دیا اور کہا کہ صرف نعش کی تصاویر لو اور جلد از جلد پولیس کے حوالے کردو۔