وزڈن کی ٹی 20 آف دی ائیر میں 3 پاکستانی کھلاڑی شامل

لاہور: (ویب ڈیسک) وزڈن کی جانب سے ٹی 20 ٹیم آف دی ائیر کا اعلان کر دیا گیا ہے۔
2022 کے لیے وزڈن کی ٹی 20 ٹیم میں پاکستان کے 3 کرکٹرز جگہ بنانے میں کامیاب ہوئے۔
ٹی 20 ٹیم آف دی ائیر میں محمد رضوان، شاداب خان اور حارث رؤف کو شامل کیا گیا۔
پاکستان کے علاوہ انگلینڈ کے 3 کھلاڑیوں کو بھی اس ٹیم کا حصہ بنایا گیا۔
انگلینڈ کے جوز بٹلر ٹیم کے کپتان قرار دیے گئے جبکہ سیم کرن اور عادل رشید کو بھی ٹیم کا حصہ بنایا گیا۔
بھارت کے سوریا کمار یادیو اور بھونیشور کماربھی2022 کے دوران اپنی کارکردگی کے باعث وزڈن ٹیم میں شامل ہونے میں کامیاب رہے۔
ساؤتھ افریقا کے ڈیوڈ ملر، نیوزی لینڈ کے گلین فلپس اور زمبابوے کے سکندر رضا کو بھی ٹی 20 ٹیم آف دی ائیر کا حصہ بنایا گیا۔