مسجد نبوی میں نماز ادا کرنے والے نمازیوں کی تعداد میں ریکارڈ اضافہ

ریاض : (ویب ڈیسک) مسجد نبویؐ میں نماز ادا کرنے والے نمازیوں کی تعداد 81 ملین سے تجاوز کر گئی۔
غیر ملکی میڈیا کے مطابق حرمین شریفین کے اُمور کے جنرل صدر عبدالرحمن السدیس نے بتایا کہ محرم الحرام کے آغاز سے 19 جمادی الاول تک نمازیوں کی کل تعداد 81 ملین سے تجاوز کر گئی ہے اور اس دوران تقریباً 80 لاکھ افراد نے روضہ مبارک میں نماز ادا کی۔
عبدالرحمن السدیس نے بتایا کہ اس عرصہ کے دوران نبی کریمؐ اور آپ کے دونوں صحابہ کرام کو خراج عقیدت پیش کرنے والے زائرین کی کل تعداد 70 لاکھ سے بڑھ گئی ہے۔
انکا مزید کہنا تھا کہ مسجد نبویؐ کے امور کی جنرل پریسیڈنسی نے نمازیوں اور زائرین کے لیے تام رکاوٹوں کو دور کیا اور بہترین خدمات مہیا کیں تا کہ وہ بغیر کسی تکلیف کے اپنی عبادات کر سکیں۔