انٹر بینک اور اوپن مارکیٹ میں ڈالر کی قدر مستحکم رہی

لاہور: (ویب ڈیسک) پاکستان کی انٹر بینک اور اوپن کرنسی مارکیٹ میں روپے کے مقابلے میں ڈالر کی قدر مستحکم رہی
انٹربینک میں ڈالر کے ریٹ بغیر کسی تبدیلی کے 223.69 روپے کی سطح پر بند ہوئے۔ جبکہ دوسری جانب اوپن کرنسی مارکیٹ میں بھی ڈالر کی قدر 231.50 روپے کی سطح پر برقرار رہی۔
واضح رہے موجودہ حکومت کے 8 ماہ میں انٹربینک اور اوپن مارکیٹ میں روپے کے مقابلے میں ڈالر کی قدر بالترتیب 18فیصد اور 20 فیصد بڑھی ہے۔ جبکہ گزشتہ حکومت ڈالر کا انٹر بینک ریٹ 182.93روپے اور اوپن ریٹ 185روپے چھوڑ کر گئی تھی۔