بیلجیئم کھلاڑی رومیکا لوکاکو نے گول نہ ہونے کا غصہ شیشے پر نکال دیا

لاہور: (ویب ڈیسک) قطر میں جاری فیفا ورلڈکپ میں رومیکا لوکاکو نے گول نہ ہونے کا غصہ ڈگ آؤٹ کے شیشے پر نکال دیا جس کی ویڈیو وائرل ہوگئی۔
گزشتہ روز عالمی رینکنگ میں دوسرے نمبر پر موجود بیلجیئم اور کروشیا مدمقابل تھی اگلے مرحلے میں کوالیفائی کرنے کے لیے بیلجیئم کو یہ میچ جیتناضروری تھا لیکن مقابلہ بغیر کسی گول کے ختم ہوگیا اور کروشیا کے کوالیفائی کے ساتھ بیلجیئم ٹورنامنٹ سے باہر ہوگئی۔
دوران میچ رومیکا نے اپنی ٹیم کے لئے ایک نہیں کئی گول کرنے کی کوشش کی لیکن نتیجہ بے سود رہا، ٹیم کے باہر ہونے کے بعد رومیکا لوکاکو نے اپنی فرسٹریشن ڈگ آؤٹ کے شیشے پر نکالی جس کی ویڈیو بھی وائرل ہوگئی۔
ویڈیو میں رومیکا کو ڈگ آؤٹ پہنچنے پر غصے میں ہاتھ مار کر شیشہ توڑتے دیکھا جاسکتا ہے۔