نسیم شاہ نے پرستار بچے کو خود کو ’چاچو‘ پکارنے سے منع کر دیا

لاہور: (ویب ڈیسک) پاکستان کے فاسٹ باؤلر نسیم شاہ نے فین بچے کو خود کو ’چاچو ‘ پکارنے سے منع کر دیا۔
سوشل میڈیا پر نسیم شاہ سمیت دیگر کھلاڑیوں کی مداحوں سے ملاقات کی ایک ویڈیو وائرل ہوئی ہے جس میں فاسٹ باؤلرز کو مداحوں سے ملاقات کرتے اور انہیں آٹوگراف دیتے دیکھا گیا ہے۔
ایک ننھے فین نے نسیم شاہ کو چاچا کہتے ہوئے آٹوگراف کا سوال کیا جس پر نسیم شاہ نے بچے کو ہنستے ہوئے ٹوکا اور کہا کہ میں چاچا نہیں ہوں، حسنین چاچا ہے۔
آٹوگراف دیتے ہوئے بھی نسیم شاہ نے بچے کو یاد دلایا کہ اب چاچا کہو گے؟ جس پر بچے نے انکار کر دیا۔
بعد ازاں نسیم سمیت دیگر کھلاڑیوں کو مداحوں سے ملتے دیکھا گیا۔