لاہور اسمارٹ سٹی نے پولو ان پنک ٹورنامنٹ کا انعقادکیا

لاہور: (ویب ڈیسک) 30اکتوبر2022پولو کلب نے لاہور اسمارٹ سٹی کے تعاون سے اکتوبر میں بریسٹ کینسر سے متعلق آگاہی مہم کو یاد گار بنانے کیلئے الزیم کے زیر اہتمام لاہور اسمارٹ سٹی پولو ان پنک ٹورنامنٹ کی میزبانی کی۔تقریب کی میزبانی معروف اداکاریہ عائشہ عمر نے کی اور اس موقع پر قومی کھلاڑیوں کے ساتھ امریکا،بیلجئم،کینیڈا اور آسٹریلیا کے کھلاڑی بھی پولو کے اس دلچسپ کھیل میں حصہ لیتے دکھائی دیئے اور جبکہ اس موقع پر ایک خصوصی ونٹیج کار شو،ٹینٹ پیگنگ اور لائیو میوزک کا بھی اہتمام کیا گیا تھا۔
لاہور اسمارٹ سٹی کے سی ای او عمران زاہد نے اس موقع پر اپنے خیالات کا اظہار کرتے ہوئے کہا کہ ”پولو ایک باوقار بین الاقوامی کھیل ہے،جو لوگوں کے درمیان بے مثال تعلقات کو فروغ دیتا ہے۔ایک سر کردہ ریئل اسٹیٹ ڈیولپر کے طور پر ہمیں بریسٹ کینسر سے آگاہی کے سلسلے میں اس سال پولو ان پنک پیش کرنے اور اس نیک مقصد کیلئے پاکستان کے مثبت تشخص کو فروغ دینے پر ہمیں فخر ہے۔لاہور اسمارٹ سٹی پہلے ہی اسٹیٹ آف دی آرٹ پنک ربن بریسٹ کینسر اسپتال اورڈائیگنوسٹک سینٹر کی تعمیر کیلئے اراضی عطیہ کرچکا ہے۔“
لاہور پولو کلب کے صدرنے کہا کہ ”ہر برس رفاحی مقصد کیلئے منعقد کئے جانیوالے پولو ان پنک کا مقصد خواتین میں بریسٹ کینسر سے متعلق آگاہی کا فروغ ہے جبکہ لاہور پولو کلب کے مطابق اس ٹورنامنٹ میں مجموعی طور پر11ٹیمیں شریک تھیں،جنہیں دو پولز میں تقسیم کیا گیا اور ہر ٹیم میں غیر ملکی کھلاڑی بھی شامل تھے۔“
دوکھلاڑی Laurel HoweاورDanielle Lussiامریکا سے،جبکہ Marion Dierickxبیلجئم سے،
Phillip Henryآسٹریلیاسے،کینیڈا سے Jessica SchniederاورJane Buchan،اور پاکستان سے ایشا حئی،فاطمہ مظہر،اسرا ذیشان،راقیہ منصور،جبکہ یوکرین سے Sofia Deanaشامل تھیں۔
پنک ربن پاکستان آرگنائزیشن کی نمائندگی کرتے ہوئے عمر آفتاب نے بتایا کہ ”پنک ربن آرگنائزیشن نے لاہور میں بریسٹ کینسر اسپتال کی او پی ڈی کا آغاز کردیا ہے،اور جلد ہی یہ اسپتال مکمل طور پر فعال ہوجائیگا،جس سے مریضوں کو فائدہ ہوگا۔“
لاہور اسمارٹ سٹی(ایل ایس سی)حبیب رفیق پرائیویٹ لمیٹڈ،فیوچر ڈیولپمنٹس ہولڈنگز پرائیویٹ لمیٹڈ اور
Surbana Jurongپرائیویٹ لمیٹڈ کے اشتراک سے تیار کیا جارہا ہے،جو کہ دنیا بھر میں کام کرنے والی ٹاپ ریئل اسٹیٹ ڈیولپرز،ماسٹر پلانرز اور ایسیٹ مینجمنٹ کمپنیاں ہیں،جن کا مقصد ایسے جدید ترین اسمارٹ شہروں کی تعمیر ہے،جہاں عیش و عشرت کی زندگی کے ساتھ ساتھ مساوی اقتصادی مواقع بھی فراہم کئے جائیں