ننھے پاکستانی فین کا ویرات کوہلی کو شاندار انداز میں خراج تحسین

لاہور: (ویب ڈیسک) ویرات کوہلی کے چاہنے والے ناصرف بھارت میں موجود ہیں بلکہ پاکستان سمیت دنیا بھر میں ایک بڑی تعداد بھارتی بیٹر کو پسند کرتی ہے۔
ویرات کوہلی کا شمار دنیا کے بہترین بلے بازوں میں ہوتا ہے اور آسٹریلیا میں جاری ٹی ٹوئنٹی ورلڈکپ میں بھی کوہلی بہترین فارم میں ہیں، پہلے میچ میں انہوں نے پاکستان کے خلاف 82 رنز کی شاندار اننگز کھیلی جبکہ دوسرے میچ میں بھی ففٹی اسکور کی۔
بھارتی بیٹر کے ایک چاہنے والے ننھے پاکستانی فین نے ویرات کوہلی نے اپنی محبت کا اظہار انوکھے انداز میں کیا ہے۔
بلوچستان سے تعلق رکھنے والے کرکٹ فین نعیم نے گڈانی کے ساحل پر ویرات کوہلی کا ایک دیوہیکل مجسمہ بنا کر بھارتی ٹیم کے سابق کپتان سے اپنی محبت کا اظہار کیا۔
پاکستانی فین کی ویرات کوہلی کو خراج تحسین پیش کرنے والی تصویر سوشل میڈیا پر خوب وائرل ہو رہی ہے۔