ممبئی (خصوصی رپورٹ) بالی وڈ اداکارہ کریتی سینن نے کہا کہ انجینئرنگ کی تعلیم حاصل کرنے کے باوجود اداکارہ بننے کے فیصلے پر کوئی پچھتاوا نہیں۔ بھارتی میڈیا کے مطابق اداکارہ کریتی سینن نے اپنے تازہ انٹرویو میں کہا کہ اگرچہ انہوں نے انجینئرنگ میں ماسٹرز کیا ہوا ہے‘ اس کے باوجود اپنے شعبہ سے ہٹ کر انہوں اداکاری کا شعبہ اپنایا اور اس فیصلے پر انہیںکوئی پچھتاوا نہیں۔ ممکن ہے انہیں انجینئرنگ کے شعبہ میں وہ مقام نہ حاصل ہوتا جو اداکاری کے شعبہ میں ہوا ہے۔اداکارہ نے کہا کہ ان کے دنیا بھر میں مداح موجود ہیں جن کی حوصلہ افزائی ان کی مظبوط ڈھال ہے،ہمیشہ محنت سے اداکاری کا سفر جاری رکھیں گی اور چاہنے والوں کو مایوس ہونے کا موقع نہیں دیں گی۔ اداکارہ کی حال میں ریلیز ہونے والی فلم بریلی کی برفی ہے جو شاندار کامیابی سے ہمکنار ہوئی۔
