لاہور(نیوزایجنسیاں)قومی ٹی ٹونٹی ٹورنامنٹ کی منسوخی کی وجہ ورلڈ الیون کی آمد اور اس کے بعد پاکستان کے پلیئرز کی بیرون ملک مصروفیات کی وجہ سے منسوخ کیا گیا۔ ابتدائی شیڈول کے مطابق نیشنل ٹی ٹوئنٹی کپ دو مراحل میں کھیلا جانا تھا، پہلا مرحلہ ملتان جبکہ دوسرا فیصل آباد میں کھیلا جانا تھا تاہم اب اطلاعات ہیں کہ ویسٹ انڈیز کی ٹیم پاکستان سیریز کھیلنے آ رہی ہے جس کی وجہ ڈومیسٹک ٹورنامنٹس کے شیڈول پر کافی فرق پڑے گا۔اکتوبر میں سری لنکا سے سیریز کے باعث ایونٹ کو نومبر تک لٹکایا مگر اب یہاں بھی اس کا انعقاد ممکن دکھائی نہیں دیتا کیونکہ آزادی کپ کا تیسرا میچ دیکھنے کیلئے لاہور آنیوالے ویسٹ انڈین بورڈ کے صدر ڈیو کیمرون نے نومبر میں اپنی ٹیم تین ٹی 20 میچوں کیلئے پاکستان بھیجنے کا اشارہ دیا ہے جس کے باعث قومی ٹی 20 کپ کے ایک بار پھر التوا کا خدشہ ہے۔
