بابر اعظم نےسب کپتانوں کو پیچھے چھوڑ دیا

لاہور: ( ویب ڈیسک) انگلینڈ کیخلاف شاندار فتح اور ناقابل شکست پرفارمنس کے بعد کپتان بابر اعظم نے کئی اعزاز اپنے نام کیے، جبکہ تمام پاکستانی کپتانوں کو بھی پیچھے چھوڑ دیا۔ بابر اعظم بطور کپتان 10 سنچریاں اسکور کرنے والے پہلےپاکستانی کیپٹن بن گئے ہیں۔ بابر نے بطور کپتان 84 اننگز میں 10 سنچریاں اسکور کیں جبکہ انضمام الحق نے 189 اننگز میں 9 سنچریاں اسکور کی تھیں۔ اس فہرست میں مصباح الحق کا تیسرا نمبر ہے، جنہوں نے 186 اننگز میں 8 سنچریاں سکور کیں، جبکہ عمران خان 186 اننگز کھیل کر 6 سنچریاں بنانے میں کامیاب ہو کر فہرست میں چوتھے نمبر پر ہیں۔ جبکہ اظہر علی اور جاوید میانداد نے بطور کپتان پانچ، پانچ سنچریاں اسکور کی تھیں۔