بارشوں اور سیلاب کی تباہ کاریاں، مزید 7 افراد جاں بحق

اسلام آباد: (ویب ڈیسک) ملک میں بارشوں اور سیلاب کے باعث مزید 7 افراد جاں بحق ہو گئے۔
بارشوں اور سیلاب کے باعث ملک میں تباہ کاریوں کا سلسلہ جاری ہے۔این ڈی ایم اے نے نقصانات سے متعلق نئی رپورٹ جاری کردی۔
این ڈی ایم اے کے مطابق گزشتہ 24 گھنٹے میں سیلاب سے مزید 7افراد جاں بحق ہوگئے۔ملک بھر میں اب تک جاں بحق افراد کی تعداد ایک ہزار 576 ہو گئی ہے۔
رپورٹ کے مطابق گزشتہ 24گھنٹے میں بلوچستان میں ایک،سندھ میں 6 افراد جاں بحق ہوئے۔گزشتہ 24گھنٹے میں سیلاب سے 2افراد زخمی بھی ہوئے ۔ زخمیوں کی مجموعی تعداد 12 ہزار 862 ہو گئی ہے۔
رپورٹ کے مطابق سیلاب اور بارشوں کے باعث 392 پل اور 13 ہزار 93 کلومیٹر سڑکیں تباہ ہوئیں۔ چوبیس گھنٹے میں ایک لاکھ 17 ہزار مویشی ہلاک ہوئے۔ سیلاب کے باعث اب تک 10 لاکھ 17 ہزار423 مویشی ہلاک ہو چکے ہیں۔