بھکاریوں کے اس ٹولے کو قوم مزید برداشت نہیں کرے گی، وزیر اعلیٰ خیبر پختونخوا

پشاور: (ویب ڈیسک) وزیر اعلیٰ خیبر پختونخوا محمود خان نے کہا ہے کہ بھکاریوں کے اس ٹولے کو قوم مزید برداشت نہیں کرے گی۔
وزیر اعلیٰ خیبر پختونخوا محمود خان نے میڈیا سے گفتگو کرتے ہوئے کہا کہ مسلم لیگ ن والے بوکھلاہٹ کا شکار ہیں اور عدالتوں پر حملہ مسلم لیگ ن کا خاصہ ہے۔
انہوں نے کہا کہ مسلم لیگ ن کی نائب صدر مریم نواز کا جھوٹ پوری قوم دیکھ چکی ہے اور مریم نواز کو پتہ نہیں کہ ان کا دادا غریب گھرانے سے تھا یا ارب پتی سرمایہ کار تھے۔
محمود خان نے کہا کہ تعصب سے بھری جماعت کو حکومت کرنے کا کوئی حق نہیں ہے اور بھکاریوں کے اس ٹولے کو قوم مزید برداشت نہیں کرے گی۔ عدالتوں سے مفرور لوگ قوم کو مزید گمراہ نہیں کر سکتے۔
انہوں نے کہا کہ عمران خان واحد لیڈر ہیں جنہوں نے اقوام متحدہ میں توہین رسالت پر بات کی اور مذہب کے نام پر سیاست کرنے والوں کو قوم معاف نہیں کرے گی۔