وزیراعظم کاازبکستان کا دورہ،شنگھائی تعاون تنظیم اجلاس میں شرکت کریں گے

اسلام آباد : (ویب ڈیسک) وزیر اعظم شہباز شریف آج شنگھائی تعاون تنظیم اجلاس کے لیےازبکستان کا دورہ کریں گے۔
وزیر اعظم شہباز شریف کا کہنا ہے کہ شنگھائی تعاون تنظیم اجلاس کے لیے آج ازبکستان روانہ ہو رہا ہوں۔عالمی اقتصادی بحران نے رکن ممالک کے درمیان مزید تعاون کی ضرورت کو جنم دیا۔
ان کا کہنا ہے کہ ایس سی او کا ویژن دنیا کی 40 فیصد آبادی کی امنگوں کی نمائندگی کرتا ہے۔پاکستان شنگھائی اسپرٹ کے لیے اپنے عزم کا اعادہ کرتا ہے۔
انہوں نے کہا ہے کہ باہمی احترام اور اعتماد مشترکہ ترقی اور خوشحالی کی بنیاد ہو سکتا ہے۔شنگھائی تعاون تنظیم کے پاس صلاحیت ہے کہ وہ آگے بڑھنے کا راستہ نکالے۔