ٹی 20 ورلڈ کپ: بنگلا دیش کے سکواڈ کا اعلان، محمود اللہ ٹیم سے باہر

ڈھاکا: (ویب ڈیسک) بھارت کے بعد بنگلا دیش کرکٹ بورڈ (بی سی بی) نے ٹی 20 ورلڈ کپ 2022 کے لیے سکواڈ کا اعلان کرتے ہوئے تجربہ کار آل راؤنڈر محمود اللہ کو ٹیم سے باہر کر دیا۔
بی سی بی کے مطابق شکیب الحسن کو ٹیم کا کپتان مقرر کیا گیا ہے، سکواڈ میں لٹن داس، تسکین احمد، صابر رحمان، یاسر علی، عبادت حسین، مہدی حسن میراز، نورالحسن، حسن محمود، عفیف حسین، مستفیض الرحمان، نسیم احمد، مصدق حسین، محمد سیف الدین اور نجم الحسنین شامل ہیں۔
خیال رہے کہ ٹی 20 ورلڈ کپ سکواڈ کا اعلان کرنے کی کٹ آف تاریخ 15 ستمبر ہے، حال ہی میں ٹی 20 ایشیا کپ 2022 میں بنگلا دیش ایونٹ کے سپر 4 مرحلے کے لیے کوالیفائی کرنے میں ناکام رہا۔