”خلع سے قبل“ نور ،ولی حامد کواہم مشورہ

لاہور (خصوصی رپورٹ) فیملی جج فیصل نسیم نے خلع کے دعویٰ میں اداکارہ نور کا بیان قلمبند کرتے ہوئے فریقین کو صلح کیلئے آخری موقع دے دیا اور مزید سماعت 20ستمبر تک ملتوی کر دی۔ عدالتی حکم پر اداکارہ نور عدالت میںپیش ہوئی۔ فاضل جج کے حکم پر کمرئہ عدالت میں ولی حامد اور نور کی ملاقات کرائی گئی جس کے بعد اداکارہ نے عدالت میں اپنا بیان قلمبند کراتے ہوئے کہا کہ وہ ولی حامد کے ساتھ نہیں رہنا چاہتی لہٰذا عدالت طلاق کی ڈگری جاری کرنے کا حکم جاری کرے۔ اداکارہ نور کی جانب سے دائر دعوے میں مو¿قف اختیار کیا گیا ہے کہ اس کی 14فروری 2015ءکو ولی حامد سے شادی ہوئی‘ شادی کی ابتدا بہت خوشگوار تھی لیکن اس کے بعد شوہر کے رویے میں تیزی سے تبدیلی آئی۔ اب اس کا رویہ ناقابل برداشت ہو چکا ہے۔ اداکارہ کا مزید کہنا تھا کہ اب وہ اپنے شوہر کے ساتھ مزید نہیں رہ سکتی‘ اس لئے خلع کی بنیاد پر ڈگری جاری کی جائے۔