آزادی کی ڈائمنڈ جوبلی، بڑے جشن کی بڑی تیاریاں، گلیاں بازار سج گئے

لاہور: (ویب ڈیسک) آزادی کی ڈائمنڈ جوبلی، بڑے جشن کی بڑی تیاریاں جاری عروج پر ہیں، گلیاں بازار سج گئے، ہر طرف سبز ہلالی پرچموں کی بہار ہے۔
تفصیلات کے مطابق لاہور، اسلام آباد سمیت ملک بھر میں 14اگست کو یوم آزادی کی ڈائمنڈ جوبلی تقریبات منانے کی تیاریاں تیزی سے جاری ہیں۔
عمارتوں کوقومی پرچموں، جھنڈیوں، برقی قمقموں اور روشنیوں سے سجایا جا رہا ہے، لوگ اپنی گاڑیوں اور چھتوں پر بھی قومی پرچم لہرا رہے ہیں۔
اہم سڑکوں پرسٹالز لگائے گئے ہیں جن میں پرچم، ٹوپیاں، سفید اور سبزملبوسات اوردیگر اشیاء موجود ہیں ، بچوں کے ساتھ ساتھ بڑوں کا جوش بھی قابل دید نظر آرہا ہے۔