ملک نواز کی میٹنگ پر چھاپے سے متعلق لاہور پولیس کا بیان سامنے آگیا

لاہور : (ویب ڈیسک) پی پی 168 سے پی ٹی آئی کے امیدوار ملک نواز اعوان کی پرائیویٹ مارکی میں کی جانے والی کارنر میٹنگ پر کارروائی سے متعلق لاہور پولیس آپریشنز ونگ کے ترجمان کا بیان سامنے آگیا۔
لاہور پولیس آپریشنز ونگ کے ترجمان نے کہاکہ ملک نواز کی پرائیویٹ مارکی میں کی جانے والی کارنر میٹنگ میں پرائیویٹ مسلح افراد موجود تھے، ان کے ساتھ دوسرے صوبے کا مسلح اہلکار بھی موجود تھا۔ترجمان نے کہا کہ مسلح افراد کی موجودگی پر کارروائی کی گئی جس دوران ملک نواز اعوان کے حامیوں نے پولیس کے ساتھ ہاتھا پائی کی، کارنر میٹنگ میں موجود پرائیویٹ مسلح افراد کو حراست میں لے کر اسلحہ قبضے میں لے لیا گیا تاہم پی ٹی آئی امیدوارکے کسی دفتر پرچھاپہ نہیں مارا۔
ترجمان کا کہنا تھا کہ پرائیویٹ مسلح افراد کا انتخابی مہم میں استعمال انتخابی ضابطہ اخلاق کی کھلی خلاف ورزی ہے ۔