لندن(سپورٹس ڈیسک) فٹبال ورلڈ کپ کے کوالیفائنگ مرحلے کے میچز میں پولینڈنے مونٹی ینگروکو2-1سے ہرادیا۔شمالی آئرلینڈنے ناروے کو2-0سے ہراکرمیگاایونٹ میں رسائی کےلئے اپنی امیدوں کوکچھ روشن کیا۔جرمنی اور انگلینڈ کی ٹیموں نے اپنے اپنے مقابلے جیت لیے ہیں۔ پوڈگریسامیں کھیلے گئے میچ میں کھیل کے40 ویں منٹ میں لیون ڈوسکی نے پولش سائیڈکو برتری دلائی ۔ دوسرے ہاف میں موگوسانے حساب چکادیا۔پزیزک نے 82ویں منٹ میں گول کرکے پولینڈکوسبقت دلائی جوکھیل کے اختتام تک برقراررہی۔ایک اورمیچ میں سکاٹ لینڈنے سلووینیا کو1-0سے شکست دی،جمہوریہ چیک نے سان مرینوپر6-0سے ہاتھ صاف کیا۔فٹبال ورلڈ کپ کوالیفائنگ کے میچ میں جرمنی نے آذربائیجان کیخلاف پہلا گول 19 ویں منٹ میں داغا ، حریف ٹیم نے ہمت نہ ہارتے ہوئے زبردست کم بیک کیا۔ ور 31 ویں منٹ میں گول کر کےمقابلہ برابر کر دیا ، جرمنی کی بڑی ٹیم نے اس کے بعد میچ میں وقفے وقفے سے مزید تین مرتبہ گیند کو جال میں بھیجا جبکہ مخالف ٹیم ایک گول سے آگے نہ بڑھ سکے۔ایونٹ میں ہونے والے ایک اور میچ میں انگلینڈ اور لیتھوینیا کی ٹیمیں میدان میں اتریں ، دونوں ٹیموں کے درمیان دلچسپ کھیل انگلینڈ کے حق میں دو صفر کی برتری پر ختم ہوا۔
