لاہور : (ویب ڈیسک) ماہانہ فیول پرائس ایڈجسٹمنٹ کی مد میں بجلی مہنگی ہونے کا امکان ہے، بجلی کی قیمتوں میں ایک ماہ کیلئے 4 روپے 5 پیسے اضافے کی درخواست کی گئی ہے۔
ذرائع کے مطابق سینٹرل پرچیزنگ پاور ایجنسی کی درخواست پر نیپرا آج سماعت کرے گا، اپریل کی فیول پرائس ایڈجسٹمنٹ کیلئے درخواست جمع کرائی گئی ہے۔
منظوری کی صورت میں صارفین پر 59 ارب 45 کروڑ روپے کا اضافی بوجھ پڑےگا جبکہ منظوری کاحتمی فیصلہ اتھارٹی سماعت کے بعد کرے گی، فیول پرائس ایڈجسٹمنٹ کی درخواست کے الیکٹرک کے سوا تمام بجلی تقسیم کار کمپنیوں کیلئے ہے۔
