فوٹوگرافر کا انتظام نہ ہونے پردلہن نے شادی سے انکار کر دیا

نئی دہلی: (ویب ڈیسک) بھارت سے ایک اور انوکھی خبر آئی ہے جہاں پر ایک دلہن نے شادی والے دن فوٹوگرافر کا انتظام نہ ہونے پر شادی سے انکار کردیا۔
بھارتی میڈیا کے مطابق بھارتی کی بڑی ریاستوں میں سے ایک ریاست اتر پردیش میں جب دُلہا بارات لے کر آیا اور پتا چلا کہ اس کے ساتھ کوئی فوٹوگرافر نہیں آیا تو دُلہن غصے سے سیخ پا ہوگئی اور اس نے شادی سے ہی انکار کردیا۔
شادی کی تقریبات زور و شور سے جاری تھیں اور باراتیوں سمیت میزبان ایونٹ کو خوب انجوائے کررہے تھے تاہم جیسے ہی ور مالا کی رسم شروع ہوئی تو دلہن کو احساس ہوا کہ وہاں فوٹوگرافر موجود نہیں ہے۔
دلہن نے اعتراض اٹھایا تو قریبی رشتے داروں نے اسے سمجھانے کی کوشش کی لیکن وہ غصے میں یہ ہی کہتی رہی کہ جو شخص شادی کے دن کو سنجیدہ نہ لے وہ شادی کے بعد میرا کیا خیال رکھے گا؟
بعدازاں دلہن شادی پر ہنگامے کے بعد اپنے گھر سے نکل کر پڑوسیوں کے گھر چلی گئی اور د لہا بارات لے کر بغیر دلہن لوٹ گیا۔