کین فلم فیسٹیول:پاکستانی فلم جوائےلینڈ نے جیوری پرائز جیت لیا

لاہور : (ویب ڈیسک) کین فلم فیسٹیول میں پاکستان کا بڑا اعزاز اپنے نام کر لیا۔ فلم “جوائے لینڈ” نے جیوری پرائز جیت لیا۔
انٹر نیشنل پلیٹ فارم پر پہلی بار کوئی پاکستانی فلم نمائش کے لیے پیش کی گئی۔ اور پہلی بار ہی میں جیوری پرائز جیت لیا۔ فلم جوائے لینڈ نے جیوری پرائز جیت لیا۔
پاکستانی فیچر فلم ’جوائے لینڈ‘ نے دنیا کے سب سے بڑے فلمی میلے کین میں سب کے دل جیت لیے۔ نمائش کے بعد جیوری نے ٹیم کو کھڑے ہو کر خراج تحسین پیش کیا تھا۔ یہ پہلا موقع تھا جب کوئی پاکستانی فلم کین فلم فیسٹیول کے لیے منتخب کی گئی ہو۔
فلم کی ٹیم نے فیسٹیول میں خصوصی شرکت بھی کی۔ سینئر اداکارہ ثانیہ سعید اور ثروت گیلانی سمیت فلم کے ہدایت کار صائم صادق، فلم ساز و اداکار سرمد کھوسٹ اور فلم میں مرکزی کردار ادا کرنے والی ٹرانس اداکارہ علینہ خان نے ایونٹ میں شرکت کی۔
ٹرانسجنڈر پر بنائی گئی صائم صادق کی فلم “جوائے لینڈ” کو کین فلم فیسٹیول 2022 میں ‘ان سرٹن ریگارڈ’ کیٹگری کے لیے منتخب کیا گیا تھا۔ صائم صادق کا یہ پہلا اعزازنہیں، اس سے قبل 2019 میں ان کی شارٹ فلم ‘ڈارلنگ’ وینس اور ٹورنٹو فلم فیسٹیول میں نمائش کے لیے پیش کی جاچکی ہیں۔