کورونا پھر سر اٹھانے لگا، ملک میں مزید 90 کیس رپورٹ

لاہور : (ویب ڈیسک) ملک بھر میں کورونا نے ایک بار پھر سر اٹھانا شروع کردیا ہے ، 24 گھنٹوں کے دوران مزید 90 کیس رپورٹ ہو چکے ہیں۔
این آئی ایچ کے مطابق 24 گھنٹےکےدوران 16 ہزار 413 کورونا ٹیسٹ کیے گئے، جس میں کورونا کے مزید 90 کیس رپورٹ ہوئے ہیں، ملک میں کورونا مثبت کیسز کی شرح 0.55 فیصد ہو گئی۔
جبکہ ملک بھر میں 24 گھنٹے کے دوران کورونا سے کوئی ہلاکت نہیں ہوئی، این آئی ایچ کے مطابق کورونا سے متاثر 77 مریضوں کی حالت تشویشناک ہے۔
دوسری جانب دنیا بھر میں 53 کروڑ 9 لاکھ 48 ہزار 556 افراد کورونا سے متاثر ہوئے ہیں، جبکہ عالمی وباء سے ہلاکتوں کی تعداد 63 لاکھ 9 ہزار 677 ہو چکی ہے جبکہ 50 کروڑ 15 لاکھ 38 ہزار 629 مریض صحت یاب بھی ہوئے ہیں۔