پراسرار دھاتی گیندیں آسمان سے آ گریں، لوگ خوفزدہ

نئی دہلی: (ویب ڈیسک) بھارت میں پراسرار دھاتی گیندیں آسمان سے گرنے پر لوگوں میں خوف و ہراس پھیل گیا۔
میڈیا رپورٹ کے مطابق ریاست گجرات کے علاقوں بھالج، کھمبھولاج اور رام پور میں رہائشیوں کو آسمان سے گرنے والی عجیب و غریب دھاتی گیندیں ملیں۔ پر اسرار گیندوں کو دیکھ کر دیہاتی حیران و پریشان ہو گئے۔ آسمان سے دھاتی گیندیں گرتے ہی مقامی رہائشی زور دار آواز سن کر گھروں سے باہر نکل آئے۔
تاہم باہر آتے ہی ان کی نظریں دھاتی گیندوں پر پڑیں، پولیس کو اطلاع دی گئی تو ان کو بھی عجیب و غریب گیندوں کا کوئی سراغ ہاتھ نہ آیا جس پر ڈیٹا فرانزک ٹیسٹ کیلئے بھجوا دیا گیا۔