کراچی میں بولٹن مارکیٹ کے قریب دھماکا، خاتون جاں بحق اور 12 افراد زخمی

کراچی: (ویب ڈیسک) کراچی میں ایم اے جناح روڈ پر بولٹن مارکیٹ کے قریب دھماکےمیں خاتون جاں بحق اور 12 افراد زخمی ہوگئے ہیں۔
اس حوالے سے بتایا گیا کہ ایم اے جناح روڈ پر نیومیمن مسجد کے قریب گودام میں دھماکا ہوا جس کے بعد آگ لگ گئی، دھماکا اقبال مارکیٹ کے گودام میں ہوا۔
دوسری جانب ہنگامی صورتحال کے پیش نظر بم ڈسپوزل اسکواڈ کاعملہ بھی وقوعہ پر پہنچ گیا ہے۔ ابتدائی تفتیش کے مطابق بم موٹر سائیکل میں نصب تھا۔ علاوہ ازیں پولیس نے کہا کہ دھماکے میں پولیس وین کو نشانہ بنایا گیا تھا۔
حکام نے بتایا کہ زخمیوں کو قریبی اسپتال میں منتقل کیا جارہا ہے جبکہ پولیس نے علاقے کو گھیرے میں لے کر تحقیقات کا آغاز کردیا۔