روی شاستری اورگنگولی میں جنگ چھڑگئی

ممبئی (آئی این پی)بھارتی ٹیم کے سابق کپتان سارو گنگولی اور موجودہ کوچ روی شاستری کے درمیان لفظی جنگ کا آغاز ہوگیا۔روی شاستری نے حال ہی میں ایک بیان دیتے ہوئے کہا تھا کہ ویرات کوہلی کی ٹیم تاریخ کی سب سے اچھی ٹیم بن سکتی ہے۔ بھارتی ٹیم نے سری لنکا میں 20 سالوں بعد سیریز جیتی ہے اور کئی بڑے کھلاڑیوں کی موجودگی میں بھی بھارتی ٹیم سری لنکا کو سری لنکا میں نہیں ہرا سکی، لیکن کوہلی کی کپتانی میں بھارت نے سال 2015 میں کر دکھایا۔ اس بیان پر گنگولی نے طنز کستے ہوئے شاستری کو نہ صرف جواب دیا بلکہ انہیں پرانے دن بھی یاد دلائے۔گنگولی نے میڈیا سے بات چیت میں کہا، ایمانداری سے مجھے اس موضوع پر زیادہ کچھ نہیں کہنا ہے۔ شاستری کیلئے نیک خواہشات ہیں۔ انہیں 2019 ورلڈ کپ تک کی ذمہ داری ملی ہے اور امید کرتے ہیں کہ کپ دلا کر وہ اپنی ذمہ داری ادا کریں،گنگولی نے مزیدکہا کہ آپ بھول رہے ہیں کہ کس طرح میری کپتانی میں ہم نے 15 سال بعد پاکستان کو انہی کی سرزمین پر شکست دی تھی۔ ہم نے انگلینڈ کو بھی سال 2007 میں ہرایا تھا۔ میں کوئی موازنہ نہیں کرنا چاہتا۔میں صرف ٹیم کو اچھا کھیلتا دیکھناچاہتا ہوں اور مجھے پوری امید ہے کہ ٹیم شاندار کارکردگی کرے گی۔