بھارتی وزیر اعظم کے طیارے کا پاکستانی فضائی حدود کا استعمال

بھارتی وزیر اعظم  نریندر مودی کے طیارے   نے پاکستانی فضائی حدود کا استعمال  کیا ہے۔

ترجمان سول ایوی ایشن اتھارٹی(سی اے اے )کا کہنا ہے کہ بھارتی وزیر اعظم کے طیارے کو فضائی حدود سے گزرنے کی اجازت دی گئی تھی۔

بوئنگ 777، تھری ہنڈرڈ ای آرکے 7066   جہاز نے اندرا گاندھی انٹرنیشنل ایئرپورٹ نیو دہلی سے ٹیک آف کیا جس میں بھارتی وزیر اعظم نریندر مودی بھی آن بورڈ تھے۔

بھارتی وزیر اعظم کا جہاز بہاولپور کی فضائی حدود سے پاکستانی ایئر اسپیس میں داخل ہواتھا اور تربت اور پنجگور کی فضائی حدود سے گزر کر پاکستانی ایئراسپیس سے باہر گیا۔

نریندر مودی واپسی پر بھی پاکستانی فضائی حدود سے گزر کر نیو دہلی جائیں گے۔

واضح رہے کہ گزشتہ روز بھارت کی ایک کمرشل پرواز بھی پاکستانی فضائی حدود سے گزر کر اٹلی  گئی تھی۔