آج جشن میں چونکا دینے والے انکشافات

ملتان، اسلام آباد (وقائع نگار، مانیٹرنگ ڈیسک) اپوزیشن کی بڑی جماعت پاکستان تحریک انصاف کی طرف سے وزیراعظم نوازشریف کی نااہلی کی خوشی میں (آج) شکر پڑیاں کے قریب پریڈ گراو¿نڈ میں جشن منایا جائے گا۔ اظہار تشکر کیلئے جلسہ ہوگا، چیئرمین تحریک انصاف عمران خان آئندہ کے پارٹی لائحہ عمل کا اعلان اور چونکا دینے والے انکشافات کریں گے۔ رات گئے عمران خان نے خود جلسہ گاہ کا معائنہ کیا اور منتظمین کو خصوصی ہدایات جاری کیں۔ واضح رہے نوازشریف کی نااہلی کے بعد کنٹینر کلچر ختم ہوگیا جبکہ قافلے روکنے میں ماہر پنجاب بیوروکریسی بھی راہِ راست پر آگئی ہے۔ پی ٹی آئی کے قافلے بلا روک ٹوک جلسہ گاہ کی طرف جارہے ہیں جبکہ ملتان سمیت جنوبی پنجاب سے صبح سویرے تک قافلوں کی روانگی کا سلسلہ جاری رہا۔ اسلام آباد انتظامیہ نے رات 11 بجے تک جلسہ ختم کرنے کی ہدایت کردی ہے۔
جشن