کراچی میں آتشزدگی ،60 سے زائد جھگیاں جل کر راکھ

کراچی کےعلاقےشانتی نگرمیں عزیز بھٹی پارک کے قریب آگ لگنے سے 60 سے زائد جھگیاں جل کر خاکستر ہو گئیں۔ تفصیلات کے مطابق کراچی کے علاقے گلشن اقبال میں شانتی نگر عزیز بھٹی پارک کے قریب جھوپڑیوں میں آگ لگنے سے 2 افراد زخمی ہو گئے۔فائربریگیڈ حکام کے مطابق عزیز بھٹی پارک کے قریب جھونپڑیوں میں آگ لگنے کے باعث 60 سے زائد جھگیاں جل کر خاکستر ہو گئیں۔فائربریگیڈ کی 3 گاڑیوں نے 2 گھنٹے میں آگ پر قابو پایا تاہم خوش قسمتی سے کوئی جانی نقصان نہیں ہوا۔ریسکیو زرائع کے مطابق آتشزدگی کے باعث 2 افراد جھلس کر زخمی ہوئے جنہیں سول اسپتال کے برنس وارڈ منتقل کر دیا گیا ہے۔پولیس کے مطابق آگ لگنے کی وجہ تاحال معلوم نہیں ہو سکی ہے تاہم تحقیقات کا آغاز کر دیا گیا ہے۔