روی شاستری بھارتی کرکٹ ٹیم کے کوچ کیلئے فیورٹ

دہلی(بی این پی ) بھارتی کرکٹ ٹیم کے کوچ کے لئے 10 امیدوار میدان میں ہیں لیکن روی شاستری سب سے مضبوط امیدوار ہیں۔ انیل کمبلے نے کپتان ویرات کوہلی سے تنازع کے باعث دورہ ویسٹ انڈیز سے قبل ہی عہدے سے استعفیٰ دے دیا تھا۔ جس کے بعد اس عہدے کے لئے 10 درخواستیں موصول ہوچکی ہیں۔کرکٹ ایڈوائزری کمیٹی کل نئے کوچ کے لئے امیدواروں کے انٹرویو کرے گی جب کہ کمیٹی میں بھارتی کرکٹ ٹیم کے سابق کپتان سارو گنگولی، سچن ٹنڈولکر اور وی وی لکشمن شامل ہیں۔کوچ کے لئے مضبوط ترین امیدواروں میں بھارتی کرکٹ ٹیم کے سابق ڈائریکٹر روی شاستری اور جنوبی افریقا کے لانس کلوزنر شامل ہیں اور ٹیم کا مضبوط ترین عہدہ سنبھالنے کے لئے ان دونوں امیدواروں کے درمیان سخت مقابلہ ہے۔بھارتی ٹیم کے کوچ بننے کے خواہشمندوں میں ورندر سہواگ، سابق سری لنکن کوچ ٹام موڈی، ا?ئرلینڈ اور افغانستان کی کوچنگ کرنے والے فل سمنز، عمان کرکٹ ٹیم کے کوچ راکیش شرما، رچرڈ پے بوز، ڈوڈا گنیش، لال چند راجپوت اور اپنراناتھ براہما چاری شامل ہیں۔