کرکٹ سے ریٹائرڈ ”لالہ “آج کل کیا کر رہے ہیں ، سوشل میڈیا پرتصویر نے دھوم مچا دی

لندن( خصوصی رپورٹ )قومی کرکٹ ٹیم کے سٹار آل راﺅنڈر شاہد آفریدی انٹر نیشنل کرکٹ سے ریٹائرمنٹ کے بعد آجکل اپنی فاﺅنڈیشن کے لیے چندہ اکٹھا کرنے کی مہم چلا رہے ہیں تاکہ تھر میں ایک ہسپتال قائم کیا جا سکے۔ انٹر نیشنل کیرئیر کے خاتمے کے بعد اب آفریدی اپنی فیملی کو بھی وقت دے رہے ہیں۔حال ہی میں شاہد آفریدی کی ایک تصویر سوشل میڈ یا پر وائرل ہو گئی جس میں قومی ٹیم کے سابق کپتان باورچی خانے میں کھڑے ہو کر اپنی بیٹیوں کے ساتھ کھانا بناتے نظر آرہے ہیں جس سے معلوم ہوتا ہے کہ اب آفریدی کی اہلیہ نادیہ نے انہیں امور خانہ داری کے ہنر بھی سکھا دئیے ہیں،شاہد آفریدی کو جب سوشل میڈ یا صارفین نے امور خانہ داری سرانجام دیتے ہوئے دیکھا تو انہوں نے بھی آل راﺅنڈر کو دل کھول کر داد دی۔