سات سالہ باڈی بلڈر بچے کی سوشل میڈیا پر دھوم

لاہور(خصوصی رپورٹ)چین کے مشرقی صوبہ ژی جیانگ سے تعلق رکھنے والے سات سالہ بچے چین یی کی تصاویر سوشل میڈیا پر وائرل ہوگئیں ، تصاویر 2 جولائی کو ہونیوالے جمناسٹک گیمز کے دوران لی گئیں جس میں انہوں نے 7 تمغے حاصل کئے جس میں 6 سونے اور ایک چاندی کا تمغہ شامل ہے ۔چین یی نے پہلی مرتبہ کھیلوں کے مقابلے میں شرکت کی اور اس کی حیران کن کارکردگی کو دیکھتے ہوئے ہینگ زوا سٹی سپورٹس گیمز کی انتظامیہ بھی حیران رہ گئی۔رپورٹس کے مطابق چین یی نے 5 سال کی عمر سے ہی جمناسٹک کی پریکٹس شروع کردی تھی جس کے بعد سے وہ مسلسل سخت محنت کر رہے ہیں۔