کرکٹرز ہائی پرفارمنس کیمپ میں ٹریننگ کےلئے تیار

لاہور (نیوزایجنسیاں ) نیشنل کرکٹ اکیڈمی نے قومی ٹیم کی آئندہ غیرملکی سیریز میں بہترین کارکردگی کیلئے 10ہفتوں کا تربتی کیمپ کافیصلہ کر لیا، این سی اے کے کوچزکیمپ میں کھلاڑیوں کی تربیت کر ینگے۔ تربیتی کیمپ 5جولائی سے شروع ہو گا۔ پاکستان کرکٹ بورڈ کی ہدایت پر نیشنل کر کٹ اکیڈمی میں قومی ٹیم کے آئندہ غیر ملک میچز کو مد نظر رکھتے ہوئے 10ہفتوں کے تربیتی کیمپ کا فیصلہ کر تے ہوئے کل سے انعقاد کا فیصلہ کیا ہے جس میں این سے اے کے کوچز کھلاڑیو ں کی تربیت اور مستقبل میں پاکستانی ٹیم کے ساتھ کھیلنے والے ممالک کو مد نظر رکھتے ہوئے بائیو مکینکل اسٹڈی بھی کروائینگے ،کیمپ کے پہلے دو دنوں میں کھلاڑیوں کے لئے کوچز انفرادی تربیت کرینگے ۔اوپنرز میں سمیع اسلم، فخر زمان، امام الحق، صاحبزادہ فرحان، مڈل آرڈر میں عمر امین، حارث سہیل، عثمان صلاح الدین، آصف ذاکر، عمر اکمل، فاسٹ بولرز میں عثمان شنواری، ثمین گل، محمد عرفان، میر حمزہ، رومان رئیس، اسپنرز میں محمد اصغر، شاداب خان، بلال آصف، محمد عرفان، اسامہ میر، فاسٹ بولنگ آل راﺅنڈرز میں عامر یامین، فہیم اشرف، عماد بٹ اور حسین طلعت، اسپن بولنگ آل راﺅنڈرز میں محمد نواز، آغا سلمان اور وکٹ کیپرز میں محمد رضوان اور محمد حسان شامل ہیں۔