آسٹریلیا نے افغانستان کو 7 وکٹوں سے شکست دید ی

برسٹل (ویب ڈیسک )آئی سی سی کرکٹ ورلڈکپ کے چوتھے میچ میں دفاعی چیمپئن آسٹریلیا نے افغانستان کو 7 وکٹوں سے شکست دے کر ٹورنامنٹ کا فاتحانہ آغاز کیا۔افغانستان نے مضبوط حریف آسٹریلیا کو جیت کیلئے 208 رنز کا ہدف دیا جو آسٹریلیا نے 34.5 اوورز میں 3 وکٹوں کے نقصان پر حاصل کرلیا۔برسٹل میں کھیلے گئے میچ میں افغانستان نے ٹاس جیت کر پہلے بیٹنگ کا فیصلہ کیا اور 38.2 اوورز میں 207 رنز بناکر پوری ٹیم آو¿ٹ ہوگئی۔افغانستان کی جانب سے نجیب اللہ زدران 51 اور رحمت شاہ 43 رنز بناکر نمایاں رہے۔ دفاعی چیمپئن آسٹریلیا کی جانب سے زیمپا اور پیٹ کمنز نے 3، 3 جبکہ اسٹوائنس نے 2 کھلاڑیوں کو آو¿ٹ کیا۔جواب میں آسٹریلیا نے ہدف 34.5 اوورز میں 3 وکٹوں کے نقصان پر باآسانی حاصل کرلیا۔کینگروز کی جانب سے کپتان ایرون فنچ نے جارحانہ 66 رنز کی اننگز کھیلی جبکہ ڈیوڈ وانر 89 رنز بناکر ناقابل شکست رہے۔فغانستان کی جانب سے مجیب الرحمان، گلبدین نائب اور راشد خان نے ایک ایک وکٹ حاصل کی۔