سرور بھٹی کی کوشش رنگ لے آئی ، مولا جٹ کا نام استعمال کرنے کیخلاف درخواست منظور

لاہور(ویب ڈیسک ) ہائی کورٹ نے فلم مولا جٹ کا نام استعمال کرنے کے خلاف درخواست سماعت کے لیے منظور کرلی۔لاہور ہائی کورٹ کے جج جسٹس اے مالک نے فلم مولا جٹ کا نام استعمال کرنے کے خلاف پروڈیوسر سرور بھٹی کی درخواست کی سماعت کی۔ عدالت نے درخواست پر لگے دفتری اعتراض ختم کرکے درخواست سماعت کے لیے منظور کرلی۔درخواست گزار نے موقف اختیار کیا کہ سنسر بورڈ کے پاس فلم کا ٹائٹل دینے کا کوئی اختیار نہیں، سنٹرل پنجاب اور سندھ سنسر بورڈ نے دی لیجنڈ اکف مولا جٹ کے ٹریلر کا سنسر سرٹیفکیٹ جاری کیا، مولا جٹ کا ٹریڈ مارک سرٹیفکیٹ درخواست گزار سرور بھٹی کے پاس ہے، فلم کا ٹریڈ اکئی پی او پہلے ہی مسترد کیا جاچکا ہے۔درخواست گزار نے عدالت سے استدعا کی کہ جاری شدہ سنسر سرٹیفکیٹ کو کالعدم قرار دینے کا حکم دے۔