آمدن سے زائد اثاثہ جات اور منی لانڈرنگ سے متعلق شریف فیملی کیخلاف 3 ارب اور 30 کروڑ کے دستاویزی شواہد حاصل کرلیے ہیں۔نیب لاہور

لاہور(صدف نعیم سے)نیب لاہور نے چھوٹے میاں شہباز شریف اور انکی فیملی کیخلاف آمدن سے زائد اثاثہ جات اور منی لانڈرنگ سے متعلق مزید شواہد حاصل کر لیے ہیں۔نیب کو سلمان شہباز سے متعلق ایف بی آر، اسٹیٹ بنک آف پاکستان اور بنکوں سے منتقل ہونے والی رقوم کی تفصیلات موصول ہو چکی ہیں۔ زرائع کے مطابق 5 بنک اکاﺅنٹس سے سلمان شہباز کو 60کروڑ 30 لاکھ 56 ہزار 870 روپے منتقل کیے گیے، جبکہ ایک ہی نجی بنک کی مختلف برانچوں سے سلمان شہباز کو 50 کروڑ سے زائد کی رقم ٹرانسفر ہوئی، نیب کو موصول دستاویزات کے مچابق 5 بنک اکاﺅنٹس ایک نجی کمپنی کے نام تھے جن میں غیر ملکی ترسیلات آتی تھیں، یہ بنک اکاﺅنٹس 2004 سے 2015 کے دوران بنک اکاﺅنٹس کھولے گئے،4 بنک اکاﺅنٹس بادامی باغ میں جبکہ ایک بنک سرکلر روڈ پر واقع ہے،دوسری جانب نیب نے حمزہ شہباز، سلمان شہباز اور انکی فیملی ممبران کو بیرون ملک سے منتقل ہونے والے منی ایکسچینج ،کمپنیز اور بینکس کا ریکارڈ حاصل کرلیا ہے۔ زرائع مطابق کے ایس منی ایکسچینج، بارکلیز بنک ،عثمان انٹرنیشنل ایکسچینج یوکے اور ٹی ٹی ٹی منی کارپور یشن سے بھی شریف فیملی کو بھاری رقوم منتقل ہوئیں،نیب لاہور نے آمدن سے زاید اثاثہ جات اور منی لانڈرنگ سے متعلق شریف فیملی کیخلاف 3 ارب اور 30 کروڑ کے دستاویزی شواہد حاصل کرلیے ہیں۔