دشمن پھر ملکی امن تباہ کرنے کی سازش کررہا ہے:جنرل (ر)امجد شعیب، قومی ایشوز پر کسی کو سیاست نہیں کرنی چاہئے : شوکت بسرا ، نیب کے پاس ریفرنس دائر کرنے کیلئے لامحدود مدت ہے : کامران مرتضیٰ ، کرنٹ خسارہ کم کرنا ہوگا:ڈاکٹر سلمان شاہ کی چینل ۵ کے پروگرام ” نیوز ایٹ 7 “ میں گفتگو

لاہور(مانیٹرنگ ڈیسک) جنرل (ر) امجد شعیب نے کہا ہے کہ داتا دربار کے قریب ماہ مقدس میں خودکش حملے کا واقعہ قابل افسوس ہے۔ دشمن کی طرف سے ایک مرتبہ پھر ملکی امن تباہ کرنے کی سازش کی جا رہی ہے۔چینل فائیو کے پروگرام نیوز ایٹ 7میں گفتگو کرتے ہوئے انہوں نے کہا کہ سیکیورٹی اداروں کو جلد معاملات کا احاطہ کر کے دہشت گردوں کے عزائم ناکام کرنے کی ضرورت ہے۔انٹیلی جنس نیٹ ورک کو مضبوط کرنے کی ضرورت ہے تاکہ حملہ ہونے سے قبل ہی دہشت گردوں کو پکڑا جا سکے۔ تحریک انصاف کے رہنماءشوکت بسرا نے کہا کہ دہشت گرد ملکی امن تباہ کرنا چاہتے ہیں پاک فوج نے دہشت گردی کے خلاف موثر کارروائیاں کیں دہشت گردوں کی کمر توڑدی لیکن دہشت گردی ابھی مکمل ختم نہیں ہوئی۔نیشنل ایشوز پر کسی کو سیاست نہیں کرنی چاہئے حکومت چاہتی ہے تمام سیاسی جماعتیں قومی ایشوز پر مل کر کام کریں۔عوام کو گبھرانا نہیں چاہئے۔انہوں نے کہا کہ اسد عمر پارٹی کا سرمایہ ہیں۔جمہوری پارٹیوں میں گلے شکوے ہوتے ہیں۔ سپریم کورٹ بار کے سابق صدر کامران مرتضی نے کہا کہ زرداری قبل از گرفتاری ضمانت لینے کی کوشش میں ہیں عبوری ضمانت ہو جائے گی۔کسی کے خلاف کریمنل کیس چل رہا ہوتو وزارت داخلہ چاہے تو اس کا نام ای سی ایل میں ڈال سکتی ہے۔نیب کے پاس ریفرنس دائر کرنے کے لئے لامحدود مدت ہے۔ماہر معیشت ڈاکٹر سلما ن شاہ نے کہا کہ پاکستان کے مالی حالات اتنے بہتر نہیں معیشت بہتر کرنے کے لئے اصلاحات کرنا ہوں گی۔کرنٹ خسارے کو کم کرنے کی بھی ضرورت ہے۔کاروباری حضرات بھی بے یقینی کا شکار ہیں البتہ اصلاحات کر لی جائیں تو پاکستان میں سرمایہ کار ی کے بہت مواقع موجود ہیںپالیسی بہتر ہو گی تو ہی بیرونی سرمایہ کاری آئے گی۔