حکومت نے 8ماہ میں تاریخ کا سب سے بڑا قرضہ لے لیا: چودھری منظور جہانگیر ترین کے بھی جعلی اکاﺅنٹس تھے ان کے خلاف کوئی جے آئی ٹی نہ بنی، پی پی رہنما پی پی کی خرابیاں بلاول کنٹرول نہیں کرسکیں گے، صفدر عباسی، نیوز ایٹ 7میں گفتگو

لاہور(مانیٹرنگ ڈیسک)سینئر سیاستدان چوہدری منظور نے کہا ہے کہ جہانگیر ترین کے بھی جعلی اکاﺅنٹس یں لیکن ان کے خلاف کوئی جے آئی ٹی نہیں بنی ۔بابر اعوان کو بھی گرفتار نہیں کیا گیا کے پی میں تو کارروائیاں نہیں ہو رہیں۔جمپ کر کے نتائج اخذ نہیں کئے جاسکتے۔ چینل فائیو کے پروگرام نیوز ایٹ 7میں گفتگو کرتے ہوئے انہوں نے کہا کہپیپلز پار ٹی اصولوں کی سیاست کرتی ہے۔انہوں نے کہا کہ سب کچھ آئی ایم ایف کے حوالے کردیا گیا۔میں سمجھتا ہوں عوام پر مہنگائی کا بوجھ پڑنے والا ہے۔ہمارے دور میں مہنگائی ہوئی تو ہم نے لوگوں کو ریلیف بھی دیا تھا۔موجودہ دور میں عوام کے مفاد کے لئے کچھ بھی نہیں۔ریونیو پہلے سے بھی کم ہو گیا تاریخ کا سب سے بڑا قرضہ آٹھ ماہ میں لیا گیا۔ایک ہسپتال تک کے پی میں نہیں بنایا گیا۔ پیپلز پارٹی کے رہنماءصفدر عباسی نے کہا ہے کہ کافی عرصے سے سندھ حکومت کو تنقید کا نشانہ بنایا گیا جن جن لوگوں پر الزامات ہیں انہیں صفائی دینی چاہئے تاکہ معاملات حل کی جانب جائیں اور عوام مطمئن ہوں۔میں سمجھتا ہوں زرداری پر بھی جعلی اکاﺅنٹس کے حوالے سے جو الزامات ہیں اگروہ صفائی نہیں دیتے تو یہ آنے والے دنوں میں ان کے لئے مسائل پیدا کریں گے۔سب کو اپنی پوزیشن کلیئر کرنی چاہئے ورنہ عوام میں سیاستدانوں کے خلاف نفرت پیدا ہو گی۔گزشتہ دس سالوں میں پیپلز پارٹی میں جو خرابیاں پیدا ہوئیں بلاول انہیں کنٹرول نہیں کر پائیں گے۔