قومی کرکٹرزفخر اور جنید کو ایوارڈ دینے کا فیصلہ

پشاور(این این آئی) خیبرپختونخوا سپورٹس رائٹرز ایسوسی ایشن نے پاکستان کو چمپئن بننے میں کلیدی رول اداکرنے والے خیبر پختونخواکے مایہ ناز کرکٹرز فخر زمان اور جنید خان کو انکی شاندار پرفارمنس پر ایوارڈ دینے کا فیصلہ کیا ہے اور انہیں جلدہی میڈیا سینٹر آنے کی دعوت دی جائے گی ۔ان خیالات کا اظہار سپورٹس رائٹر ایسوسی ایشن کے صدر جہانزیب صدیق نے ایسوسی ایشن کے اجلاس سے خطاب کرتے ہوئے کیا۔ اس موقع پرایسوسی ایشن کے سیکرٹری جنرل عاصم شیراز،چیئر مین اعجاز احمد،سینئرنائب صدر عمران یوسفزئی، نائب صدر عظمت اﷲ کے علاوہ ممبران کی کثیر تعداد موجود تھی۔انہوںنے کہاکہ ہمیں کرکٹرزفخر زمان اور جنید خان پر فخر ہے کیونکہ انہوںنے قلیل مدت میں اپنی صلاحیتوںکے بدولت دنیائے کرکٹ میں نام کمایااور قومی ٹیم کو کرکٹ چمپئن بنانے میں کلیدی رول اداکیاہے ۔انکاکہناتھاکہ سپورٹس رائٹرزنے صوبے میں کھیلوں کے فروغ اور کھلاڑیوںکی حوصلہ آفزائی کیلئے بہتر اندازمیں کام کررہے ہیں جبکہ انہی کھلاڑیوں کو انکی شاندار کارکردگی پر سالانہ ایوارڈ بھی دی جارہی ہے اور اسی طرح قومی ٹیم کے مایہ ناز کھلاڑیوں فخر زمان اور جنید خان کو بھی ایوارڈ دینے کا فیصلہ کیاہے ۔