2 مئی سے ہسپتال بند

لاہور (جنرل رپورٹر)ینگ ڈاکٹرز نے میڈیکل ٹیچنگ انسٹی ٹیوٹ ایکٹ کی منظوری کیخلاف 2مئی سے او پی ڈی بند کرنے کا اعلان کر دیا ،نجکاری کے نام پر صوبائی حکومت غریبوں پر ظلم کی تیاری کر رہی ہے۔ گزشتہ روز علامہ اقبال میڈیکل کالج میں وائی ڈی اے خیبرپختونخواہ اور پنجاب کے رہنماءقاسم اعوان ،رضوان کنڈی ، سلمان حسیب ، شعیب نیازی ، عامر سہیل و دیگر نے پریس کانفرنس کرتے ہوئے کہا ہے کہ کے پی کے میں ایم ٹی آئی ایکٹ ناکام ہو چکا ہے پنجاب کابینہ ایم ٹی آئی کا کالا قانون منظور کرنے جا رہی ہے ۔جس کے بعد سرکاری ہسپتالوں میں مفت علاج کا خاتمہ ہو جائے گا۔ٹیسٹ کی فیس نجی لیبارٹریوں کے برابر کر دی جائے گی ہسپتالوں میں سرکاری ملازمین کی مستقل نوکریاں بھی ختم کر دیں جائےں گی۔ بورڈ آف گورنرز کے نام پر اب غیر ڈاکٹرز ہسپتالوں کو چلایا جائے گا۔ہسپتالوں میں ریفارمز کے نام پر مسائل پیدا کیے جا ئیں گے ۔ ینگ ڈاکٹرز نے محکمہ صحت اور حکومت پنجاب کو دھمکی دی ہے کہ اگر ایم ٹی آئی ایکٹ کو منظور کیا گیا تو پنجاب بھر کے ہسپتالوں میں 2مئی سے آﺅٹ ڈور کو بند کردیں گے ۔صوبائی حکومت ہمیں سڑکوں پر نکلنے کے لیے مجبور نہ کرے کیونکہ ایم ٹی آئی ایکٹ کے بعد مکمل طور پر محکمہ صحت میں سیاسی غنڈہ گردی قائم ہو جائے گی۔