ملک کے تمام مسائل کی بنیاد کرپشن اور اختیارات کا ناجائز استعمال ہے

لاہور(مانیٹرنگ ڈیسک)کالم نگارمریم ارشد نے کہا کہ ایک ایک کر کے سابق حکمرانوں کی کرپشن سامنے آرہی ہے مقدمات بن رہے ہیں لیکن عوام چاہتے ہیں اب سزائیں بھی ہوں۔ جو لوگ حلف اٹھا کر پارلیمنٹ میں آتے ہیں ان کا کام خدمت کرنا ہوتا ہے ذاتی مفادات یا پیسے کا لالچ نہیں کرنی چاہئے۔ چینل فائیو کے وگرام کالم نگار میں گفتگو کرتے ہوئے انہوں نے کہا کہجو نعرہ عمران خان لے کر آئے تھے اگر اس پر کام نہیں ہوتا تب تک حالات بہتر نہیں ہوں گے۔موجودہ حکومت لوگوں سے ٹیکس اکٹھے نہیں کر سکی یہ ناکامی ہے یا کوئی اندر گھس کر بیٹھ گیا ہے یا حکومت کے پاس ماہرین نہیں۔ انہوں نے کہا کہ بھارت ہماری فوج کی طاقت سے خوفزدہ ہے۔کرکٹ کو قومی کھیل بنا دینا چاہئے۔کالم نگار میاں سیف الرحمن نے کہا ہے کہ بلٹ پروف گاڑیوں کے حوالے سے نیب نے تحقیقات تو کرنی ہیں۔پاکستان میں روایت ہے اگر کوئی عہدے پر ہو تو سرکاری اشیاءکو فیملی کے استعمال میں بھی لایاجاتا ہے۔اینٹی کرپشن میں پہلے ثبوت اکٹھے کئے جاتے ہیں اس کے بعد گرفتاری عمل میں آتی ہے تاکہ ملزم بچ نہ سکے۔الیکشن کمیشن ممبران کی تقرری تعطل کا شکار نہیں ہونی چاہئے۔ہمارے ہاں روش چل رہی ہے کہ میں تو ابھی مجرم ثابت نہیں ہوا۔ہمارے ہاں جب لوگ پکڑ میں آتے ہیں تو معصوم بننے لگتے ہیں جرائم کو پنپنے نہیں دینا چاہئے۔ انہوں نے کہا کہ بھارت ہٹ دھرمی پر قائم ہے۔کالم نگارضمیر آفاقی نے کہا کہ ملک میں اصول نام کی کوئی چیز نہیںہر کوئی کہیں نہ کہیں اختیارات سے تجاوز کر رہا ہے۔اداروں کے پاس اتنے ثبوت کیوں نہیں ہوتے کہ عدالتوں میں پیش کر کے جلد سزا دلوا سکیں۔پبلک عہدے کو اتنا شفاف ہونا چاہئے کہ کوئی بھی انگلی نہ اٹھا سکے۔آئین کے مطابق الیکشن کمیشن کے ممبران پر وزیراعظم کو اپوزیشن سے مشاورت کرنی چاہئے۔انہوں نے کہا کہ جعلی اکاﺅنٹس اوپر کی سطح پر ملی بھگت سے کھلتے ہیں۔حکومت جتنا ٹیکس اکٹھا کرتی ہے اس کے بدلے عوام کو کچھ نہیں ملتا۔انہوں نے کہا مکی آرتھر کے بیان کی نسبت ٹیم کی کارکردگی بہتر نہیں۔میزبان و کالم نگارکاشف بشیر نے کہا کہ عوام ریلیف چاہتے ہیں عوام کو دوسرے مسائل میں الجھایا جا رہا ہے لیکن عوامی مسائل کے حل کی جانب کوئی نہیں جا رہا جب تک بنیادی عوامی مسائل حل نہیں ہوتے لوگ مطمئن نہیں ہوں گے۔انہوں نے کہا کہ اومنی گروپ میں اہم گرفتاریاں عمل میں آئی ہیں۔ایف بی آر کے ملازمین وہ ٹیکس کی مد میں لوگوں کو دودوکروڑ کے نوٹس بھیجتے ہیں اس کے بعد کہتے ہیں آپ بیس لاکھ ٹیکس جمع کرائیں پچیس لاکھ ہمیں دیں جو پہلے ہوتا تھا اب بھی وہی ہو رہا ہے۔پولیس میں اصلاحات نہیں لائی جا سکیں۔