وقار یونس نے ورلڈ کپ کیلئے وہاب ریاض کی حمایت کردی

دبئی (آئی این پی)پاکستان کرکٹ ٹیم کے سابق کپتان اور کوچ وقار یونس نے ورلڈ کپ کیلئے وہاب ریاض کی حمایت کر دی ہے۔ ان کا کہنا ہے کہ وہاب کی اسپیڈ انگلش کنڈیشنز میں پاکستانی ٹیم کے کام آسکتی ہے اور ان کو ورلڈ کپ کے اسکواڈ میں شامل کرنا اچھا فیصلہ ثا بت ہوسکتا ہے ۔سابق اسٹار بولر نے پاکستان سلیکشن کمیٹی پر برہم ہوتے ہوئے کہا کہ میگا ایونٹ کو صرف دو ماہ رہتے ہیں اور پاکستا ن کرکٹ ٹیم کے اسکواڈ کا ابھی تک اعلان بھی نہیں کیا گیا ۔اس بڑے ایونٹ میں حسن علی ،شاہین شاہ آفرید ی اور فہیم اشرف فاسٹ بولرز کے طور پر ورلڈ کپ کھیلیں گے اور باقی دوبولروں کا نتخاب ہونا ہے ۔وقار یونس کا مزید کہنا تھا کہ محمد عامر کے پاس کافی تجربہ ہے۔ ان کو ورلڈ کپ کیلئے ٹیم کے ساتھ رکھنا چاہئے اور ورلڈ کپ انگلش کنڈیشنز میں ہورہا ہے جہاں فاسٹ بولرز کی ضرورت پڑے گی ۔وہاب ریاض کی اسپیڈ پاکستانی ٹیم کے بہت کام آسکتی ہے ۔