شوبز ستاروں کا بابائے قوم کو خراج عقیدت

کراچی(ویب ڈیسک) شوبز اسٹارز کی جانب سے بابائے قوم قائداعظم محمد علی جناح کو ان کے 143 واں یوم ولادت کے موقع پر خراج عقیدت پیش کیا گیا ہے۔نامور اداکار اور میزبان حمزہ علی عباسی نے بابائے قوم کے یوم پیدائش پر ٹوئٹ کرتے ہوئے پاکستان کی موجودہ صورتحال کے حوالے سے لکھا ’میں تصور کرسکتاہوں اس وقت قائد کے چہرے پر یہ دیکھ کر مسکراہٹ ہوگی کہ پاکستان اب کسی محافظ کے بغیر آگے بڑھ رہاہے، اور اس سرزمین لوٹنے والوں اور نقصان پہنچانے والوں کو آہستہ آہستہ سزا ہورہی ہے‘۔اداکارہ اور میزبان جگن کاظم نے انسٹاگرام پربابائے قوم کی یوم پیدائش پر مبارکباد دی۔اداکارہ آمنہ شیخ نے انسٹاگرام پر لکھا’جب ملک ہماراہے، تو پھر اسے ہم ہی نے سنوارنا ہے۔‘اداکار فیصل قریشی نے قائد اعظم محمد علی جناح کا ایک خوبصورت قول ٹوئٹ کیا ’بہترین کی امید رکھو، اور بدترین کے لیے تیار رہو۔‘سابق کرکٹر شعیب اختر نے بھی ٹوئٹر پر قائد اعظم کی ایک یادگار تصویر شیئر کراتے ہوئے لکھا ’بابائے قوم کو سلام ،عظیم نقطہ نظر کے ساتھ عظیم رہنما۔‘قومی کرکٹر محمد حفیظ نے بھی اس موقع پر ٹوئٹ کرتے ہوئے بابائے قوم کے بلند درجات کے لیے دعا کی۔‘