جان لڑانے اور لنکا ڈھانے کا وقت آگیا, آر یا پار

لندن (بیورورپورٹ) اوول میں بھارت نے عالمی نمبر ون جنوبی افریقہ کو شکست دیکر چیمپئنز ٹرافی سے باہر کردیا اور اس کے ساتھ ہی بھارت نے سیمی فائنل کیلئے بھی کوالیفائی کرلیا، واضح رہے اس سے پہلے میزبان برطانیہ اور بنگلہ دیش بھی سیمی فائنل کیلئے کوالیفائی کرچکے ہیں، سیمی فائنل کھیلنے والی چوتھی ٹیم کا فیصلہ آج پاکستان اور سری لنکا کے درمیان ہونے والے میچ میں ہوگا، جس کے بعد سیمی فائنل لائن اپ مکمل ہوجائے گی۔ پاکستان اور سری لنکا کے درمیان اہم میچ آج کارڈف میں ہوگا جو پاکستانی وقت کے مطابق دن اڑھائی بجے شروع ہوگا، پاکستان کو بیس مقابلے کیلئے فیورٹ قرار دیا جارہا ہے، سری لنکن کے اہم بلے باز پریرا ان فٹ ہوکر ٹورنامنٹ سے باہر ہوگئے ہیں۔ اس سے پہلے پاکستان نے جنوبی افریقہ اور سری لنکا نے بھارت کو شکست دی تھی۔ پاکستان کی ٹیم میں ایک تبدیلی کا امکان ہے اور آل روانڈر فہیم اشرف کی شمولیت کا امکان ہے۔