پروٹیز کیخلاف میچ میں شائقین کی جانب سے گالیاں دی گئیں

برمنگھم( آن لائن ) قومی ٹیم کے نوجوان کھلاڑی حسن علی نے انکشاف کیا ہے کہ جنوبی افریقہ کیخلاف میچ میں شائقین کی جانب سے متعدد بار مجھے گالیاں دی گئیں ، بھارت کے ہاتھوں شکست نے پاکستانیوں کو انتہائی افسردہ اور غم و غصے میں مبتلا کر دیا تھا ۔کیونکہ قومی ٹیم بغیر کسی مزاحمت کے انتہائی بدترین طریقے سے چاروں شانے چت ہوئی تھی۔ اس میچ میں حسن علی نے اہم کیچ چھوڑا تھا جبکہ باﺅلنگ اور بیٹنگ کے ذریعے بھی شائقین کو متاثر کرنے میں ناکام رہے تھے۔شائقین کا غصہ جنوبی افریقہ کے خلاف میچ میں بھی دکھائی دیا حسن علی نے بتایا کہ انہیں میچ کے دوران چند شائقین کی جانب سے گالیاں دی گئیں۔ ان کا کہنا تھا کہ ”ربادا کا کیچ پکڑ کر جس طرح میں نے جشن منایا وہ میرے دل کی آواز تھی لیکن اس سے بھی زیادہ ان گالیوں کا جواب تھا جو مجھے شائقین کی جانب سے دی جا رہی تھیں۔“نوجوان کھلاڑی حسن علی کی جانب سے یہ انکشاف کئے جانے پر بہت افسوس ہوا ہے کیونکہ ہار جیت تو کھیل کا حصہ ہے اور تنقید کرنا بھی اتنا ہی ضروری ہے جتنی تعریف کرنا، مگر کسی بھی کھلاڑی کے ساتھ اخلاقیات اور انسانیت سے گرا ہوا سلوک کرنا قطعی طور پر درست نہیں