تحریک انصاف کا سینٹ کی پنجاب سے خالی نشست پر ولید اقبال کو ٹکٹ جاری کرنے کا فیصلہ

لاہور(ویب ڈیسک)تحریک انصاف نے سینٹ کی پنجاب سے خالی نشست پر ولید اقبال کو ٹکٹ جاری کرنے کا فیصلہ کیا ہے۔ وزیراعظم عمران خان نے دیرینہ ساتھیوں کو ساتھ لے کر چلنے کا فیصلہ کیا ہے اور اس حوالے سے پارٹی کی اعلیٰ قیادت کےساتھ مشاورت بھی کر لی ہے ،پارٹی کے سینئر لوگوں کو ساتھ لے کر چلنے کے حوالے سے فیصلوں پر عملدرآمد شروع ہو چکا ہے ،لاہور سے تعلق رکھنے والے ولید اقبال کو سینٹ کی پنجاب سے خالی نشست پر ٹکٹ جاری کیا جائے گا۔ دیرینہ ساتھیوں کو پارٹی میں اعلیٰ عہدے دیئے جائیں گے اس کے علاوہ انہیں حکومت میں بھی اعلیٰ عہدے دیئے جائیں گے۔تحریک انصاف کے رہنما ولید اقبال کا اس حوالے سے کہا ہے کہ انہیں سینٹ کا ٹکٹ دینے کا فیصلہ ہو چکا ہے اور وہ کل ٹکٹ کیلئے اپلائی کریں گے اور اپنا ٹکٹ جمع کرائیں گے،ان کا کہناتھا کہ پارٹی نے مجھے پر اعتماد کا اظہار کیا ہے اورمیں اس اعتماد پر پورا اترنے کی کوشش کروں گا۔