ہم اس کام کے لیے چین سے سرمایہ لائیں گے، وزیر اعظم کا زبردست اعلان

اسلام آباد (آن لائن+ مانیٹرنگ ڈیسک) وزیراعظم عمران خان نے گلاس مینوفیکچرنگ کمپلیکس کا افتتاح کردیا ہے ، انہوں نے کہا کہ چین سے جدید ٹیکنالوجی پاکستان منتقل کریں گے، لوگوں کوکاروبارکے مواقع فراہم کریں گے،کاروبار کرنا آسان ہوگا تو اتنی ہی سرمایہ کاری بھی
زیادہ ہوگی اور بےaa روزگاری ختم ہوگی، چین سے 50 لاکھ گھروں کی سرمایہ کاری کیلئے بھی بات کریں گے۔انہوں نے آج یہاں گلاس مینوفیکچرنگ کمپلیکس کی افتتاحی تقریب سے خطاب کرتے ہوئے کہا کہ پاکستان میں جتنا زیادہ کاروبار کرنا آسان ہوگا اتنا ہی سرمایہ کاری زیادہ ہوگی اور معاشی ترقی ہوگی،اور روزگار بڑھے گا۔ انہوں نے کہا کہ ملک میں بے روزگاری کا خاتمہ کرنا ہماری اولین ترجیح ہے۔عمران خان نے کہا کہ ہمارا چین کے ساتھ جو رشتہ ہے اس کو مزید مضبوط بنائیں گے۔ہم آنے والے دنوں میں چین جارہے ہیں۔چین کے ساتھ مزیدتجارتی اور سرمایہ کاری کے شعبوں میں وسعت پیدا کریں گے۔ انہوں نے کہا کہ سی پیک کے تحت جدید منصوبے چاہتے ہیں ہم نے چین سے پاکستان میں جدید ٹیکنالوجی کو منتقل کرنا ہے۔ ہماری حکومت کا ویڑن ہے کہ نئی ٹیکنالوجی کو پاکستان میں ٹرانسفر کیا جائے۔انہوں نے چین سے 50 لاکھ گھروں کی بات بھی کریں گے۔اس کیلئے بھی پاکستان میں بڑے سرمایہ کار لیکر آئیں گے۔ پچاس لاکھ اس طرح بنائیں گے کہ لوگوں کو چھت مل سکے اور لوگ آسان قسطوں پر گھر خرید سکیں۔پاک چین مشترکہ منصوبوں سے بے روزگاری کا بھی خاتمہ ہوگا۔ وزیراعظم عمران خان نے کہا کہ نئے پاکستان کا ویڑن کے تحت لوگوں کے کاروبای مواقع اس قدر بڑھائیں گے کہ بیرون ملک نوکریاں کرنے والوں کو واپس آنا پڑے گا۔اوورسیز پاکستانیوں کیلئے ملک میں کاروبارکے مواقع پیدا کریں گے۔ وزیراعظم عمران خان کی زیر صدارت قومی آبی کونسل کا اجلاس ہوا ہے جس میں وفاقی وزرائ، وزرائے اعلیٰ اور وزیراعظم آزاد کشمیر نے شرکت کی ہے۔ وزیراعظم عمران خان نے قومی آبی کونسل کے اجلاس کی صدارت کرتے ہوئے کہا ہے کہ آبی پالیسی پر عملدرآمد کیلئے جامع روڈ میپ کی ضرورت ہے، آبی مسائل کے حل کے لئے قومی آبی کونسل موثر پلیٹ فارم ثابت ہو گا، بڑھتی آبادی سے پانی کی دستیابی کا مسئلہ سنگین شکل اختیار کر رہا ہے، اسلام آباد ماضی میں آبی معاملات پر کوئی توجہ نہیں دی گئی۔وزیراعظم عمران خان نے قومی آبی پالیسی کے اطلاق کے لیے صوبوں اور دیگر اسٹیک ہولڈرز کی مشاورت سے ایک جامع حکمت عملی ترتیب دینے کی ہدایت کردی۔وزیراعظم ہاو¿س میں منعقدہ قومی آبی کونسل کے پہلے اجلاس میں موجودہ آبی وسائل کے استعمال، انتظام اور اس کے سدباب پر غور کیا گیا۔ اجلاس سے خطاب کرتے ہوئے وزیراعظم عمران خان نے کہاکہ ماضی میں پانی سے متعلق مسائل پر کوئی توجہ نہیں دی گئی۔ انہوں نے کہا کہ قومی آبی کونسل ملک میں پانی کے وسائل سے متعلق معاملات پر اسٹیک ہولڈرز کے درمیان مذاکرات کے فروغ کے لیے موثر پلیٹ فارم کا کردار ادا کرے۔ اجلاس میں وزیر خزانہ اسد عمر، وزیر توانائی عمر ایوب، چیئرمین واپڈا، وزیر برائے آبی وسائل فیصل واوڈا ، وزیر اعلیٰ سندھ مراد علی شاہ اور دیگر اعلیٰ حکام نے شرکت کی۔ اجلاس میں چیئرمین واپڈا نے پانی کے ذخائر سے متعلق منصوبوں اور توانائی کی پیداوار سے متعلق بریفنگ دی۔ سیکریٹری برائے آبی ذرائع شمائل احمد خواجہ نے قومی آبی پالیسی اور اس کی اسٹریٹیجک ترجیحات سے متعلق تفصیلی بریفنگ دی۔ انہوں نے ملک میں پانی کی موجودہ صورتحال کے منصوبے سے متعلق آگاہ کیا اور پانی جمع کرنے کی صلاحیت کو بڑھانے پر زور دیا۔ سیکریٹری برائے آبی ذرائع نے قومی آبی پالیسی کے اطلاق کے لیے مختلف تجاویز پیش کیں۔ وزیراعظم نے وزیر برائے آبی وسائل کی نگرانی میں اسٹیئرنگ کمیٹی سے تجاویز کا جائزہ لینے کے احکامات جاری کیے۔ آبی وسائل سے متعلق تجاویز پر اسٹیرئنگ کمیٹی اپنی تجاویز آئندہ 2 ہفتوں میں جمع کروائے گی۔