بجلی کے نرخوں میں 20پیسے فی یونٹ اضافے کی منظوری دے دی گئی

اسلام آباد(ویب ڈیسک) نیپرا نے بجلی کے نرخوں میں 20پیسے فی یونٹ اضافے کی منظوری دے دی،میڈیا رپورٹس کے مطابق بجلی ایک بار پھر سے مہنگی ہو ئی ہے۔نیپرا نے بجلی کی قیمتوں میں 20پیسے فی یونٹ کا اضافہ کر دیا ہے۔بجلی کی قیمتوں میں اضافی ماہانہ فیول ایڈجسمنٹ کی مد میں کیا گیا۔نیپرا کی جانب سے بجلی کی قیمتوں میں اضافے کے منظوری ستمبر کے مہینے کی فیول ایڈجسمنٹ کی مد میں کی گئی۔بجلی صارفین پر 2 ارب 50کروڑ کا اضافی بوجھ پڑے گا۔ستمبر میں فیول لاگت 5روپے 12پیسے فی یونٹ تھی۔تقسیم کار کمپنیوں کو دی جانے والی بجلی کی قیمت 5روپے 56 پیسے فی یونٹ تھی۔جب کہ حکومت کو بجلی کی قیمتیں بڑھانےمیں شدید عوامی دباو¿ کا سامنا کرنا پڑ رہا ہے۔دو روز قبل وفاقی وزارت پانی و بجلی نےبجلی کی قیمتوں میں اضافے سے متعلق نیپرا سے رابطہ کیا تھا،واضح رہے تحریک انصاف کے حکومت سنبھالنے کے ساتھ ہی ملک میں معاشی بحران نے سر اٹھا لیا تھا۔